2009 客家台灣文化獎

北美客家台灣公共事務協會、全美台灣客家文化基金會、北美客家台灣語言文化基金共下宣布2008年度客家台灣文化獎愛頒分(給)：廖金明、邱從容、邱一帆三位先生。今年八月台灣客家文化夏令營開幕典禮時頒獎。

1) 廖金明：高雄縣美濃鎮溪埔寮人。南部(漢聲、南都、高雄、主人、高屏溪)客語廣播節目開拓人，節目主持人多年。用客家白話語文章研究寫作作品百篇以上，從事客家文化事務長達42年。另外調查台灣南部六堆地區語音同客家語文教學授課。台灣客家電子報南部記者，報導客家語文、地方消息報導、出版七個網站同發客家話E-MaiL。協助高雄縣市政府編印(國中、國小)客語課本教材，培訓師資。著作有客家鄉土語文研究與運用、客家演講範本、客家常用語文字詞音、客家商業用語會話、廣播舞台短劇、六堆地區客家語音文化研究報告等。

2) 邱從容：台灣新竹市人，自後生時就關心客家文化介傳揚，自家出資出版客家童謠同創新介客家歌曲，目的愛分後生人也喜歡客家歌曲，達到語言文化傳承介目的。以後更進一步成立出版公司，佇新竹市民生路搭蓋攝影棚，製作各類型介有線電視客家節目，深受鄉親的喜愛。出版各種客家話錄音帶、錄影帶、CD、Karaoke等等來提倡客家文化。接等佇新竹市成立客家公共事務協會，一直到今還盡煞猛研究客家語音，出版《唐朝官話的研究》，出版「客曲薪傳」MV專輯，台灣第一支客家MV專輯。

3) 邱一帆： 苗栗縣南庄鄉人，係一個難得堅持用客家話創作詩文个作家，也係從事客家母語文學教學个人。在客語文學个創作、研究、教學領域持續耕耘，不斷發表，用客話寫作盡有感情个文學同盡有內涵个論文。使客家話不單係日常生活話，還係教學用語、知識用語、文學用語。在客家文化夏令營、苗栗縣文學營、在社區大學、各地个客家師資培訓營、論文發表會上，推廣這種理念，希望分大家認識、認同，並希望客家人自家來開展客家話使用个層面，延續創新客家話。

緣由
海外客家台灣人lau(及)社團對台灣客家文化介(的)沒落感到憂心，所以1988年決定設立客家台灣文化獎，用來鼓勵對台灣客家文化研究、提倡lau推廣介人士或團體。每人或社團獎金 $1,000美金，由美國介客家台灣人社團提供，獎牌由客家雜誌社lau台灣客家文化夏令營製造。每年佇台灣客家文化夏令營開幕典禮時頒獎。

研究、提倡或推廣客家文化不限客家人，凡認同台灣，不論出生地，使用語言，居住地佇台灣或海外全有資格。研究或推廣介定著愛係(是)立足佇台灣介客家鄉士文化歷史語言等等。文化一詞包羅萬象，凡文學，語言、歷史、民俗、民謠、歌舞、戲劇、社會等等全算係文化。

頭擺介得獎人或社團:
客家風雲雜誌社lau三台雜誌得到1988年第一屆客家台灣文化獎，以後得獎人或社團：彭德修、客語辭典委員會、楊鏡汀、羅肇錦、陳運棟、鍾孝上、鍾肇政、郭春林、楊兆禎、李勝良、李能祺(李喬)、黃子堯、劉添珍、寶島客家電台、張秋台、邱善雄、曾昌發、鍾榮富、Paul McLean（麥煜道牧師）、徐登志、台大客家社、大隘文化生活圈協進社、美濃愛鄉協進會、鄭榮興、顏志文、榮興客家採茶劇團、山狗大樂團、藍衫樂舞團、林柏燕、范文芳、新客家廣播電台、中原衛星電視台、交工樂隊、開典文化工作室、中原客家文化學術研究會、羅能平、徐兆泉、陳康宏、林勤妹、馮輝岳、涂春景、曾彩金、張義品、李貴盛、黃永達、詹益雲、陳永陶、張捷明、古國順、何石松、徐木珍lau 賴碧霞。